>>  Beweeg af op bladsy vir opsies

The Shack

William P Young het The Shack oorspronklike as 'n kersgeskenk vir sy ses kinders geskryf.  'n Paar vriende wat die manuskrip gelees het, het by hom aangedring om die boek te laat publiseer.  Young en twee vriende/vennote kon nie by enige godsdienstige of sekulêre uitgewer regkom nie en het toe Wind Blown Media gestig met die uitsluitlike doel om hierdie een boek te publiseer.  Aan die begin was die bemarking beperk tot 'n webblad en die aanbevelings van mense wat die boek gelees het.  Nogtans het The Shack gou 'n egte blitsverkoper geword.

Soos gewoonlik is die Wikipedia http://en.wikipedia.org/wiki/The_Shack 'n goeie bron om vinnig basiese inligting oor die boek, sy inhoud en kontroverse te kry.  Die boek het self ook 'n webblad http://theshackbook.com .
******************************************************************
>>  Het jy The Shack gelees?  Het dit vir jou iets beteken?  Of het dit jou verwar?

>>  Kom ons gesels saam daaroor... kliek hier en stuur vir ons jou reaksie.
 

RIGLYNE VIR DIE PRAKTYK VAN GEREFORMEERDE VERSET

Gefinaliseer deur die Sinodale Diensraad op 17 Oktober 2008 in opdrag van die
Noordelike Sinode 2008

1.  DIE PROBLEEMSTELLING

In die wereld waarin ons leef kry ons dikwels die gevoel dat een of ander owerheidsinstansie sy mag misbruik.  Soms is dit 'n verkeersdepartement; soms 'n skool, soms 'n regering, soms 'n amptenaar.  Die owerheidsinstansie se optrede kan vernederend, selfs lewensbedreigend wees.  Wanneer 'n mens so 'n stituasie beleef is daar dikwels 'n gevoel van moedeloosheid of magteloosheid of selfs woede.

Nou is die vraag:  hoe behoort 'n christen in so 'n situasie op te tree?  Gee die Bybel of ons gereformeerde belydenisagtergrond vir ons enige koers?

Die Noordelike Sinode van die NG Kerk het hierdie vraag probeer beantwoord en na 'n deeglike ondersoek 'n 14-tal riglyne geformuleer.  Ons hoop dat hierdie riglyne kan help om perspektief te bring en dat lidmate daarin 'n uitdaging sal sien om in hulle gemeenskappe hoop te bring en 'n verskil te maak.

2.  DIE RIGLYNE

1.  Gereformeerde verset (GV) is 'n uitdrukking van ons geloof dat Jesus Christus die Here van die wereld is.

2.  GV is 'n weiering om te wanhoop selfs wanneer 'n owerheidsinstansie 'n gemeenskap onregmatig oorheers met wisselende vorms van intimidasie, geweld, uitbuiting, roof en moord .

3.  GV is altyd die soek na reg en geregtigheid vir alle mense uit liefde en nie uit wraak, eiegeregtigheid, magteloosheid of hebsug nie.

4.  GV is nooit die soeke na eie - of groepsbelange nie, maar die soeke na die beswil van die hele gemeenskap.

5.  GV behoort vanuit die geloofsgemeenskap beoefen word.

6.  GV kan net in gehoorsaamheid aan die Woord van God beoefen word.

7.  GV is 'n konsekwente uitvloeisel van ‘n Geesvervulde lewe waar kwaad nooit aanvaar word as 'n normale deel van van die gemeenskap nie.

8.  GV moet met volhardende lydsaamheid deurgevoer word.

9.  GV het ten doel dat die owerheid weer aan sy roeping sal beantwoord om sy openbare diens te vervul.

10.  GV word altyd beoefen met die nederige besef: ons is net diensknegte, God alleen is Here, ook in die gang van wereldgebeure.

11.  In GV bly ons volhardend bid vir die owerheid.

12.  GV is nie geweldadig nie, maar beslis in 'n vaste voorneme om kwaad te weerstaan en goed te doen.

13.  GV is om ons belydenis van God se bedoeling vir die wereld steeds te bly droom: dat die wolf en die lam sal saamwei en dat nasies van hulle swaarde ploegskare sal smee en van hulle spiese snoeiskere.

14.  GV het ten doel dat elke Christen asook die kerklike gemeenskap in staat is om in sy wereld sout van die aarde en lig vir die wereld te wees om sodoende 'n skans teen onreg op te rig.
******************************************************************
>>  Kom ons gesels saam daaroor... kliek hier en stuur vir ons jou reaksie.