Moelik om te glo ... maar waar!
Struwig het die afgelope paar maande 'n totale gedaante verwisseling
ondergaan! Al die eenhede is omgebou tot gerieflike selfsorg eenhede.
Elkeen met sy eie badkamer, kombuis en braaiplek! Al die eenhede het nou
ook pragtige grasdakke, wat die atmosfeer van die bos in jou chalet indra.
Daar
is nou 'n verskeidenheid eenhede wat by jou behoefte sal pas. Net jy en
jou maat - dan is daar gerieflike enkelslaapkamer-eenhede beskikbaar.
Lus om die gesin of sommer die familie saam te nooi? Daar is nou
eenhede met tot drie slaapkamers, 'n reuse en gerieflike kuier stoep, en sy eie
private braaiplek. Bring jou familie saam, maar soek 'n bietjie
privaatheid - bespreek dan ons "tweeling"-eenheid, wat met net die oop of
toemaak va 'n deur, vir jou die opsie gee van saam kuier of alleen tyd spandeer
in jou eie private leef area. Die hele terrein kan ook vir groot groepe
bespreek word.
Die goeie nuus is dat daar ook nou spesifiek voorsiening vir die jeug gemaak
word. 'n Grasdak Jeug-eenheid word tans opgerig. Hierdie
alleenstaande eenheid gaan slaapplek bied vir tot 24 mense. Kamers slaap
vier elk, en daar is voldoende ablusie geriewe, 'n groot kombuis en braaiplek.
Hierdie eenheid is ook ideaal vir aktiwiteite soos mannekampe, gesinskampe,
spankampe en vroue naweke.
Wat
nie verander het nie, is Struwig se rustige Laeveld atmosfeer, die nabye
belewenis van die bos, en die eksklusiewe ervaring van 'n klein en persoonlike
kamp. By Struwig staan 'n mens nie in toue om leeus van nader te kan bekyk
nie! Die olifante en seekoeie baljaar nog op jou voorstoep in dir eivier,
en die luiperd word dikwels saans van die lapa af gesien!
Besoek http://www.struwig.co.za/ vir meer inligting oor die Groot Vyf natuurreservaat in die Groter Kruger Nasionale Park gebied, naby Hoedspruit.. Besprekings: struwig@xpoint.co.za.
Terug na
Blad