Hier maak mens nie jou oë toe as jy bid nie
want dis 'n stukkie heilige aarde
hier lag God vir jou uit die son
en raak jou aan deur die gras en die blare
die skurwe stam van die huilboom
teen jou rug is sy hande.
Hy praat in die ruimte die stilte
en hou jou styf teen Hom vas in die wind
hier vra mens ekskuus
of asseblief
of Sê  jy dankie
in die groot onmeetlikheid
van sy hemel rondom jou

Dit is Badseloop
'n mooi stukkie van die bosveld
in die Waterberge
(vir jou seker so goed
soos enige stukkie grond
maar vir ons wat WEET
'n stukkie hemel op aarde)

 Ontleen aan:  Badseloop
uit: Klein Skuiling
Louise Richard - 1978